作為一個創業者，建立一個團隊非常重要，因為如果每件都要親力親為，業務嘅發展好快就會到樽頸位。但一個初創團隊，究竟有邊方面嘅人才係不可或缺呢？我哋有以下建議畀大家參考：
產品經理：
為你管理及開發新產品，產品經理有一個非常重要嘅責任，就係要幫你控制開支預算以及確保產品能按時推出市埸。另一方面仲要定期檢視用戶意見再改善產品質量！
營銷人才：
當你有了好嘅產品或者服務後，如果無人認識你的品牌，根本就唔會有人幫襯你。呢個時候你需要一個精通線上線下營銷嘅人才，為你打造品牌故事 及制定銷售策略！
行政及會計：
喺建立公司初期有唔少行政同會計上的事務要處理，如果創業者無相關的經驗同知識，做起上嚟好多時會事倍工半，甚至有機會誤墮法律陷阱，所以我哋認為行政及會計相關的人才都不可或缺。(同時可以為你節省唔少時間，讓你可以專注業務上嘅發展)
當成功建立出團隊後，下一步就需要掌握「團隊管理」嘅技巧，有機會我哋會再同大家分享當中嘅心得！
【創業101】團隊不可缺少的3種人才
