有冇發覺，明明剛剛出糧，但係好快就要節衣縮食咁？又或者已經覺得自己好努力儲錢，但係每次打開紅簿仔時，個數字都只會有驚冇喜？仲有仲有，會唔會曾經懷疑過自己有失憶症，諗嚟諗去都唔記得自己啲錢用咗去邊呢？
曾經聽一位老前輩講，想學投資之前，首先要識得「好好理財」，當時我有仲以為投資理財不就是同一件事嗎？原來老前輩所指嘅玄機就在於此—投資前先管理好財富。大意是指要懂得量入為出，投資前做好風險管理，所以要先學好儲蓄，再從簡單低風險的產品開始學投資。聽落簡單，卻知而難行！
所謂的「好好理財」，第一步主要都係檢討返自己理財習慣中有咩漏洞可以改善，例如成日都唔知自己啲錢去咗邊，結果未到月尾就要開始節衣縮食咁。根據我的觀察，我發覺大部份有理財問題的人，都有一個共通點，就係「怕麻煩」。永遠都覺得好好理財就形同綁手綁腳，買咩之前都要計住計住。所以學好理財第二步就係先要改變自己心態：「好好理財嘅目的就係要容許自己可以更自由咁消費同儲蓄」。所以好好理財絕對可以減少「好多」麻煩。
可能好多人會覺得要改變心態唔係一時三刻可以做到，不過其實唔係冇可能，心理學話，態度（Attitude)同行為（Behavior)其實係有相互關係，所以要改變理財心態，可以嘗試從改變行為開始。
其中一個方法，就係去銀行開一個專門用嚟儲蓄嘅戶口。再申請埋出糧自動轉賬服務，一出糧銀行就會自動將我四份一嘅錢過落呢個儲蓄戶口度，咁就可以確保自己唔再係用剩咗先用嚟儲蓄。
如果你想再進一步，可以參考日本有一位理財大師教授了的方法，就係每次出糧，將收入按需要分成4份：
1. 儲蓄用的（已經自動轉賬到儲蓄用嘅戶口)
2. 特別開支：會存放喺屋企用作特別開支，例如朋友結婚時嘅人情，電費，水費等等雜項！由於呢類開支並非固定，所以預期呢項特別支出會每個月累積。這樣即使進入結婚旺季也不會完全超出預算。
3. 生活費：用10日做單位將一個月分成三份，就算唔夠錢用，都係10日內的事，而唔再係月頭就話要節要縮食。(如需要畀家用的話，可以另外加一項固定開支)
4. 獎勵自己用嘅開支，因為適當的鼓勵非常重要，即可以讓自己有動力持續執行理財方案。
我相信只要跟住以上建議實行，好快你都可以養成好好理財嘅習慣！
